Miin nóóm is Oen Diirk Feldman (amtelk: Onno Dirk Feldmann), booren 1997. Upwuesen bün ik up Flasmeer - genaauer up Ooverläidingermaur - in 'n oostfräisktóóliğ dreigeneróósjoonenhuushollen. Disser heerkumst het mii fan grund up prent't. Fandóóeğ woon ik mit miin frâau un us drei kinner in d' Feentjer däil fan Woldmerfeld, direkt an d' gräens tau Westerfeen, un bün in miin häimóót däip ferwuddelt.
Uut disser ferbunnenhaid set ik mii intensiif föör Oostfräisk, miin maudertóól, in - 'n insats, däi föör mii ook 'n düüdelk politisk kumponäent het: Spiitelkerwîis word't däi fräisk minnerhaid - un häil besünners däi oostfräisk - fan offisjäel siid fóók recht stäifmauderliik behannelt. Dat wil ik näit äinfach henneemen. Dat is ook däi grund, woosoo mii dat ankennen, 'n grooterder öffenliikkaid, däi emansipóósjoon fan us Oostfräisk Tóól un ook dat föördern fan us oostfräisk minnerhaidskultüer an 't haart liegent. Orgóónisóótoorsk bün ik d'r föör as êerst föörsitter fan 't Oostfräisk Instituut un as skriftförder fan d' Jungfräiske Mäinskup aktiif.